Deheim vor üsem alte Huus – „Di alti liebi Sunne“ Schweiz
mündlich überlieferte, veränderte Version eines Liedes von T: Ernst Balzli (1902-1959) bern. Mundartschriftsteller / M: Adolf Juker
Satz: Peter Roth
>> für Hörprobe & PDF-Textblatt: runterscrollen

Deheim vor üsem alte Huus
   da steit e klare Brunne.   2x
wär het ihm goldigs Wasser gschänkt
und Silbertröpf a d’ Röhre ghänkt?
   Di alti liebi Sunne   3x

Und hinech hei im Aaberot
   die färne Bärge gschunne.   2x
Wär het ne denn e goldig Chranz
um d’ Stirne gleit – und ou dä Glanz?
   Di alti liebi Sunne   3x

Mängs Härz het ds ganze Läbe-n-uus
   fasch nüüt als Sorge gwunne.   2x
Wär het ihm mängisch d’ Schmärze gno
und ’s zfride gmacht und still und froh?
   Di alti liebi Sunne   3x

...eine Frühlingsstrophe:
Dä Morge früeh isch d'Meiebluescht
   vo allne Bäume grunne.   2x
Wär het die tusig Chnoschpe gweckt
und jede Zweig mit Blüete deckt?
   Di alti liebi Sunne   3x

(Unterstrichene Vokale werden zweimal gesungen.)

Weitere Strophen von StimmVolk.ch & FreundInnen

Vil Lüt us allne Kontinänt
   hei scho für ds Klima (/ für Fride / für … ) gsunge.   2x
Wär het ne Chraft im Härze gäh
und ihne nid dr Muet la näh?
   Di alti liebi Sunne   3x

Vil Technik u vil Überfluss
   het üs dr Fortschritt brunge.   2x
Doch wär het geng scho Strom verschänkt
wo mir no gar nid dra hei tänkt?
   Di alti liebi Sunne   3x    (Daniel Freund)

Vill Mönsche möchte, dass die Wäut
   es Gschänk blibt o für die Jungä.   2x
Wär het ne ds Härzensfüür entfacht
uf ihrem Wäg bi Tag u Nacht?
   Di alti liebi Sunne   3x

'S git Lüt, di wandre unentwägt
   hei villne Hoffnig brunge.   2x
Wär het se uf däm Wäg so lang
begleitet, gschtercht mit ihrem Gsang?
   Di alti liebi Sunne   3x

Martin Vosseler (4.10.1948-23.10.2019) gewidmet
Ja, Martin, du bisch gwanderet
   hesch villne Hoffnig brunge 2x
Wär het di um dim Wäg so lang
begleitet, gschtercht mit warmem Gsang?
   Di alti liebi Sunne   3x

Nach dunkler Nacht ganz still und sanft
   erschiined alli Farbe. 2x
Wer hät sie für eus sichtbar gmacht
und s'ganze Spektrum Farbe bracht?
   Di alti liebi Sunne 3x    (Lydia Ehinger)

Hüt Morge händ im erschte Liecht
  scho alli Vögel gsunge. 2x
Wer hät sie ächt so früeh scho gweckt
und mit de warme Strahle gneckt?
   Di alti liebi Sunne 3x     (Rolf Schocher)


Aussprache
Berndeutscher Dialekt: ei = e-i / st = scht

Tonart / Anfangstöne
F-Dur
1.(Sopran) cf.cfga 2.(Alt) ca.aabc 3.(Bass) cf.ffff

Akkorde   > Shruti-Box: 1/+4+5  (3a)
- / F F F C - F C7
C7 F C7 F/C7 
F F F F - B F C F

1. Stimme (höchste - Sopran & Tenor)
Das Lied kann auch einstimmig gesungen werden. Es eignet sich auch für freie zweite Stimmen.