Friede schtatt Waffe... zur selben Melodie wie das Klimalied - Die Erde rast mit sanftem Drall   
T: Martin Vosseler, in Baseldeutsch  (berndeutsche Version unten) 
M: Karin Jana Beck, inspiriert von der ukrainischen Melodie "Jichav Kozak Za Dunaj"
>> für PDF-Textblatt: runterscrollen

I bi Waffehändler. Waffe
chönne doch au Friede schaffe?
Jo, i waiss, trotz guetem Wille
wärde Waffe bruucht zum Kille.
     Wüssed ihr mir gfreuti Sache,
     wo me au cha Gwinn drus mache?
     Anstatt Unglück, Hunger, To.d:
     Muusig, Liebi, Friede, Brot!
     Laj laj la la ... 
     Anstatt Unglück, Hunger, To.d:
     Muusig, Liebi, Friede, Brot!

Waffehandel, nid zum Lache,
mit em Tod go Gschäftli mache!
Höre mer uf, das darf nid gsche.h,
so viel Bluet am Portmonee!
     Wo söll das denn aanefüehre?
     Düen mer lieber exportiere
     anstatt Unglück, Hunger, To.d:
     Muusig, Liebi, Friede, Brot!
     Laj laj la la ... 
     Anstatt Unglück, Hunger, To.d:
     Muusig, Liebi, Friede, Brot!

D Schwyz söll nid für Waffehandel
Byschpil sy, nai, für e Wandel!
ä, e Lüüchtturm söll sie wärde
für Reschpäggt für d Muetter Ärde,
     liebevoll und solidarisch,
     ächt und muetig, exemplarisch!
     Anstatt Unglück, Hunger, To.d:
     Muusig, Liebi, Friede, Brot!
     Laj laj la la ... 
     Anstatt Unglück, Hunger, To.d:
     Muusig, Liebi, Friede, Brot!


Berndeutsche Version von Matthias Gerber:

I bi Waffehändler. Waffe
chöi doch wohl o Friede schaffe?
Ja, i weiss, trotz guetem Wille
wärde Waffe bruucht zum Kille.
     Wüsset dir mir gfröiti Sache,
     wo me o cha Gwinn drus mache?
     Anstatt Unglück, Hunger, To.d:
     Musig, Liebi, Fride, Brot!   
     Laj laj la ...  
     Anstatt Unglück, Hunger, Tod:
     Musig, Liebi, Fride, Brot!

Waffehandel, nid zum Lache,
mit em Tod ga Gschäftli mache!
Höre mer uf, das darf nid gsche.h,
so viu Bluet am Portmonee!
     Wo söll das denn härefüere?
     Tüe mer lieber exportiere
     anstatt Unglück, Hunger, To.d:
     Musig, Liebi, Fride, Brot!
     Laj laj la ...  
     Anstatt Unglück, Hunger, Tod:
     Musig, Liebi, Fride, Brot!

D’ Schwyz söll nid für Waffehandu
Bischpil sii, nei, für e Wandu!
Ja, e Lüüchturm söu si wärde
für Reschpäkt für d’ Muetter Ärde,
     liebevoll u solidarisch,
     ächt u muetig, exemplarisch!
     Anstatt Unglück, Hunger, To.d:
     Musig, Liebi, Fride, Brot! 
     Laj laj la ...  
     Anstatt Unglück, Hunger, Tod:
     Musig, Liebi, Fride, Brot!


Takt
4/4

Tonart / Anfangstöne
H-Moll:
Hauptstimme: hh hd fisfis e dd - ciscis cisd ee dcis 

Akkorde
a)   hm  Fis  hm  Fis/hm
b)   D  em/Fis  hm  Fis/hm  2x

mögliche Gestaltung des Liedes
Ein paar VorsängerInnen singen die Strophen, die Gruppe den Lalala-Teil und die letzten zwei Zeilen.